ខេត្តកំពង់ស្ពឺ ៖ ក្រុមជនសង្ស័យចំនួន៧នាក់ ត្រូវបានកម្លាំងនគរបាលធ្វើការឃាត់ខ្លួនរួមទាំងវត្ថុតាង ខណៈដែលពួកគេបានប្រមូលផ្តុំគ្នាប្រើប្រាស់ និងជួញដូរគ្រឿងញៀននៅក្នុងផ្ទះសំណាក់យីហោ (ស្វីតធី) ស្ថិតក្នុងភូមិត្រពាំងខ្យង ឃុំត្រពាំងគង ស្រុកសំរោងទង ខេត្តកំពង់ស្ពឺ ។
បើតាមសមត្ថកិច្ចស្រុកសំរោងទងបាននិយាយឱ្យដឹងថា នៅក្នុងប្រតិបត្តការនេះ ដោយមានការដឹកនាំសម្របសម្រួលពីលោក ឈៀវ គីមហាក់ ព្រះរាជអាជ្ញារងអមសាលាដំបូងខេត្តកំពង់ស្ពឺ និងមានការចង្អុលបង្ហាញពីលោកស្នងការនគរបាលខេត្តបានធ្វើការបង្ក្រាបមុខសញ្ញាជួញដូរដោយខុសច្បាប់នូវសារធាតុញៀន បានចំនួន៧នាក់ និងដកហូតវត្ថុតាង ម្សៅក្រាមព័ណ៌សថ្លាសង្ស័យជាគ្រឿងញៀនចំនួន១០កញ្ចប់ មធ្យម១កញ្ចប់ ទូរស័ព្ទៃ៤គ្រឿង និងឧបករណ៍ប្រើប្រាស់គ្រឿងញៀនមួយចំនួន ។
សមត្ថកិច្ចបានបន្តរទៀតថា កាលពីវេលាម៉ោង១០និង២០នាទីព្រឹកថ្ងៃទី១៨ ខែកញ្ញា ឆ្នាំ២០២៤ វេលាម៉ោង១០ និង២០នាទី កម្លាំងផ្នែកប្រឆាំងគ្រឿងញៀន បានធ្វើការបង្ក្រាបមុខសញ្ញាជួញដូរដោយខុសច្បាប់នូវសារធាតុញៀនម្នាក់ឈ្មោះ ប៉ាត សំអឿន ( ហៅ វឹន ) ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅនឹងឃាត់ខ្លួនបាននៅក្នុងភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ ។
តាមចម្លើយសារភាពរបស់ឈ្មោះខាងលើ កម្លាំងជំនាញក៏បានបន្តរឃាត់ខ្លួនជនសង្ស័យចំនួន៦នាក់ទៀត ដែលស្នាក់នៅក្នុងផ្ទះសំណាក់យីហោស្វីតធី ស្ថិតនៅភូមិត្រពាំងខ្យង ឃុំត្រពាំងគង ស្រុកសំរោងទង ខេត្តកំពង់ស្ពឺ រួមមានទី៖
១-ឈ្មោះ នួន សុផានី ភេទប្រុស អាយុ៤០ឆ្នាំ ស្នាក់នៅភូមិ ត្រពាំងខ្យង ឃុំត្រពាំងគង ស្រុកសំរោងទង ( អ្នកមើលការខុសត្រូវផ្ទះសំណាក់)
ទី២-ឈ្មោះ នូ ផាន់ណា ភេទប្រុស អាយុ៣២ឆ្នាំ ភូមិកែវឧត្តម ឃុំត្រពាំងគង ស្រុកសំរោងទង
ទី៣-ឈ្មោះ អេង រដ្ឋា ភេទប្រុស អាយុ ១៦ឆ្នាំ នៅភូមិត្រពាំងឬស្សី ឃុំសំបូរ ស្រុកសំរោងទង
ទី៤-ឈ្មោះ គឹម យី ភេទប្រុស អាយុ ១៦ឆ្នាំ នៅភូមិត្រពាំងខ្យង ឃុំត្រពាំងគង ស្រុកសំរោងទង
ទី៥-ឈ្មោះ អេន ឈាងលី ភេទប្រុសអាយុ២៤ឆ្នាំ នៅភូមិត្រពាំងវែងទី២ ឃុំ សំបូរ ស្រុកសំរោងទង
និងទី៦-ឈ្មោះ ខៀវ វិសាល អាយុ ១៧ឆ្នាំនៅភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ។
បច្ចុប្បន្ន ក្រុមជនសង្ស័យខាងលើ រួមជាមួយវត្ថុតាងសមត្ថកិច្ចនគរបាលខេត្តកំពង់ស្ពឺ បានកសាងសំណុំរឿងចាត់ការបន្តតាមផ្លូវច្បាប់៕