រាជធានីភ្នំពេញ ៖ កម្លាំងនគរបាលខណ្ឌសែនសុខ សហការជាមួយនគរបាលប៉ុស្តិ៍អូរបែកក្អម បានធ្វើការឃាត់ខ្លួនជនជាតិចិន ចំនួន០៣នាក់ ពាក់ព័ន្ធនឹងកាន់កាប់អាវុធ ដោយខុសច្បាប់ (រក្សាទុកអាវុធខ្លី០១ដើម) និងអំពើជួញដូរ ដោយខុសច្បាប់ នូវសារធាតុញៀន ។
ប្រតិបត្តិការនេះ ធ្វើឡើងកាលពីរសៀលថ្ងៃទី១៦ ខែកញ្ញា ឆ្នាំ២០២៤ នៅចំណុចខុនដូ ស្តារស៊ីធី បន្ទប់លេខ១១២៥ ជាន់ទី១១ អគារទី៧ តាមមហាវិថីសហព័ន្ធរុស្ស៊ី ក្នុងភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ បន្ទាប់ពីជនសង្ស័យ ប្រើប្រាស់អាវុធខ្លី គំរាមជនជាតិចិនដូចគ្នា ។ ជនសង្ស័យ ដែលត្រូវ ឃាត់ខ្លួន រួមមាន ៖
១. ឈ្មោះ ស៊ី មីងយ៉ុង (SHI MING YUNG) ភេទប្រុស អាយុ៣៣ឆ្នាំ ជនជាតិចិន មុខរបរ អនឡាញ (ឃាត់ខ្លួន មានសារធាតុញៀន) ២. ឈ្មោះ វ៉ាង ជុន (WANG JUN) ភេទប្រុស អាយុ៣៣ឆ្នាំ ជនជាតិចិន មុខរបរ អនឡាញ (ឃាត់ខ្លួន មានសារធាតុញៀន)
និង៣. ឈ្មោះ វ័ន ជឺឡែង (WAN CHI LIANG) ភេទប្រុស អាយុ២៥ឆ្នាំ ជនជាតិចិន មុខរបរ អនឡាញ ។ អ្នកទាំង៣នាក់ ស្នាក់នៅបន្ទប់លេខ១១២៥ ជាន់ទី១១ អគារទី៧ ក្នុងខុនដូរស្តារស៊ីធី ផ្លូវសហព័ន្ធរុស្សី ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
បើតាមមន្ត្រីនគរបាលខណ្ឌសែនសុខ បានអោយដឹងថា នៅថ្ងៃទី១៦ ខែកញ្ញា ឆ្នាំ២០២៤ វេលាម៉ោងប្រហែល១៥និងរសៀល សមត្ថកិច្ចប៉ុស្តិ៍ នគរបាលរដ្ឋបាលអូរបែកក្អម បានទទួលព័ត៌មានពីខាងខុនដូ ស្តារស៊ីធី ថា មានជនសង្ស័យ០១នាក់ ជាជនជាតិចិន ស្នាក់នៅបន្ទប់លេខ១១២៥ ជាន់ទី១១ បានធ្វើសកម្មភាពប្រើអាវុធខ្លី គំរាមជនជាតិចិនដូចគ្នា នៅក្នុងផ្សារម៉ាត ជាន់ផ្ទាល់ដី បរិវេណខុនដូ ស្តារស៊ីធី បន្ទាប់មក សមត្ថកិច្ចប៉ុស្តិ៍អូរបែកក្អម សហការជាមួយផ្នែកជំនាញនៃអធិការដ្ឋាននគរបាលខណ្ឌសែនសុខ ចុះទៅសហការជាមួយខាងខុនដូ ស្តារស៊ីធី ធ្វើការ ត្រួតពិនិត្យឆែកឆេរ នៅក្នុងបន្ទប់លេខ១១២៥ រកឃើញ អាវុធខ្លី០១ដើម ម៉ាកឡុក បង់ចំនួន០១ គ្រាប់ចំនួន០៤គ្រាប់ ក្រាមពណ៌សថ្លា (សង្ស័យជាគ្រឿងញៀន) ចំនួន០១កញ្ចប់ថង់ធំល្មម ជញ្ជីងថ្លឹងថ្នាំញៀន ចំនួន០១, លិខិតឆ្លងដែន ចំនួន០១ក្បាល កាតចំនួន ០៥សន្លឹក(របស់ជនសង្ស័យ) និងធ្វើការឃាត់ខ្លួន ជនសង្ស័យ ជាជនជាតិចិនខាងលើ ចំនួន៣នាក់ ។
ជនសង្ស័យ ឈ្មោះ វ័ន ជឺឡែង (WAN CHI LIANG) បានសារភាពអោយដឹងថា នៅក្នុងខែកក្កដា ឆ្នាំ២០២៤ ជនសង្ស័យឈ្មោះ ស៊ី មីងយ៉ុង បានទិញអាវុធខ្លី ម៉ាកឡុក(ខាងលើ) ពីជនសង្ស័យឈ្មោះ ហៅ ប៉ាជេ ភេទប្រុស អាយុប្រហែល ២៨ឆ្នាំ ជនជាតិខ្មែរ ក្នុងតម្លៃ១,៦០០ដុល្លារអាមេរិក នៅក្នុងក្រុងកំពង់សោម យកមកទុកប្រើប្រាស់ការពារខ្លួន បន្ទាប់មក នៅខែសីហា ឆ្នាំ២០២៤ ជនសង្ស័យឈ្មោះ ស៊ី មីងយ៉ុង បានទៅ យកថ្នាំញៀនមួយកញ្ចប់ថង់ធំល្មម និងជញ្ជីងថ្លឹងថ្នាំញៀន ចំនួន ០១គ្រឿង ពីជនសង្ស័យឈ្មោះ ហៅ ស៊ែវ័លី ភេទប្រុស អាយុប្រហែល៣០ឆ្នាំ ជនជាតិចិន (ដែលជំពាក់ប្រាក់របស់ជនសង្ស័យ ឈ្មោះ ស៊ី មីងយ៉ុង ចំនួន៧០០ដុល្លា) នៅក្នុងបុរីមួយកន្លែង ក្បែរខុនដូស្តារស៊ីធី យកមកទុកប្រើប្រាស់នៅក្នុងបន្ទប់ខុនដូរស្នាក់នៅ ។
ជនសង្ស័យ ឈ្មោះ វ័ន ជឺឡែង សារភាពទៀតថា ក្រោយមកទៀត នៅរសៀលថ្ងៃទី១៦ ខែកញ្ញា ឆ្នាំ២០២៤ ជនសង្ស័យឈ្មោះ ស៊ី មីងយ៉ុង បានចេញពីបន្ទប់ ចុះមកទិញថ្នាំដុសធ្មេញ នៅម៉ាតបរិវេណខុនដូ ស្តារស៊ីធី ជាន់ផ្ទាល់ដី ពេលចូលដល់ក្នុងម៉ាត ក៏មានមនុស្សប្រុស០៣នាក់ ជាជនជាតិចិន បានមើលមុខឌឺដង ជនសង្ស័យឈ្មោះ ស៊ី មីងយ៉ុង មានចិត្តខឹង ក៏ឡើងទៅបន្ទប់ខុនដូរ យកអាវុធខ្លីម៉ាកឡុក ចេញពីថតតុ មកសៀតនៅចង្កេះខោខាងស្តាំ ចុះមកសួរនាំជនជាតិចិនទាំង៣នាក់នោះ និងដកកាំភ្លើងដាក់លើភ្លៅគំរាម រួចក៍សៀតអាវុធខ្លី នៅចង្កេះ ឡើងទៅបន្ទប់ខុនដូរវិញ ។
លុះក្រោយមក ត្រូវបានកម្លាំងសមត្ថកិច្ចចុះទៅឡោមព័ទ្ធ ឆែកឆេររកឃើញឃាត់ខ្លួនតែម្តង។ ជនសង្ស័យ ត្រូវឃាត់ខ្លួននៅអធិការដ្ឋានសាកសួរ ដើម្បីចាត់ការតាមច្បាប់ ៕
រន្ធត់ចិត្តជំនួសឪពុកម្ដាយ! យុវជនម្នាក់ចេញប្រកបរបររកស៊ីទាំងយប់អធ្រាត្រ មកជួបនឹងគ្រោះកំណាចត្រូវរថយន្ដកិន
សកម្មជនបក្សប្រឆាំង ៣០រូប ក្នុងខេត្តកំពង់ស្ពឺ បន្តប្រកាសផ្តាច់ខ្លួនពីបក្ស និងសុំរួមរស់ជាមួយគណបក្សប្រជាជនកម្ពុជា
មន្រ្ដីនគរបាលម្នាក់ទើបឡើងថ្មី បើករថយន្ដបុករះយានយន្ដ ជាច្រើនគ្រឿង
ព្រោះតែជីវភាព ធ្វើអោយនារីម្នាក់ត្រូវរន្ទះប្រល័យស្លាប់នៅកណ្តាលវាលស្រែ
រថយន្ដស៊េរីទំនើបមួយគ្រឿង បើកបុកស្រ្ដីក្មេង-ចាស់២នាក់ ដើរឆ្លងថ្នល់
សង្សារប្រុសម៉ៅ ប្រឈមនឹងការជាប់ពន្ធធនាគារ ២ ទៅ ៥ឆ្នាំ
អនោធអធមណាស់ អ៊ំស្រី នឹងក្មួយដេកស្លាប់ក្នុងផ្ទះ១៥ថ្ងៃហើយគ្មានអ្នកដឹង
ឃាត់ខ្លួនជនជាតិថៃចំនួន៥នាក់ ពាក់ព័ន្ធករណី គ្រឿងញៀនជាង៧៣គីឡូក្រាម
អាជ្ញាធរវៀតណាម ប្រកាសអំពីកម្រិតទឹកជំនន់ដ៏គ្រោះថ្នាក់ នៅតាមទន្លេធំៗជិតរដ្ឋធានីហាណូយ
សន្ដិសុខក្លឹបស្ពាយឌ័រ រងការចោទប្រកាន់ វាយក្មេងស្ទាវប្រុស-ស្រីចូលលេងកម្សាន្ដ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣