ខេត្តបាត់ដំបង ៖ លោកចោរដៃស្អិត ប្រព្រឹត្តអំពើ ចោរកម្ម យ៉ាងសកម្មចំនួន០២នាក់ ត្រូវកម្លាំងនគរបាលស្រុកបាណន់ សហការជាមួយកម្លាំងនគរបាលស្រុកបវេល ប្រដេញតាមស្ទាក់ចាប់ខ្លួនក្រោយពីធ្វើសកម្មភាព ឆក់យកទូរស័ព្ទ ពីស្ត្រីម្នាក់ បានប្រហែលជាងកន្លះម៉ោងក្រោយ កាលពីវេលាម៉ោង៨និង២០នាទីព្រឹកថ្ងៃទី១៧ កញ្ញា ស្ថិតនៅចំណុចលើសំណង់អាងកំពីងពួយ ក្នុងភូមិតាង៉ែន ឃុំតាគ្រាម ស្រុកបាណន់ ។
យោងតាមរបាយការណ៍អធិការស្រុកបាណន់ លោក សំ វីរៈ បានឲ្យដឹងថា លោកចោរដៃស្អិតទាំង០២នាក់ នោះឈ្មោះ រស់ ភ័ស្ដ អាយុ៣៥ឆ្នាំ (អ្នកឌុប) និងឈ្មោះ ធឿន សុធា អាយុ២៨ឆ្នាំ (ជិះក្រោយជាអ្នកឆក់)ជនទាំង០២នាក់ ជាមុខសញ្ញាធ្លាប់ប្រព្រឹត្តអំពើ ចោរកម្ម យ៉ាងសកម្មបំផុត ស្ទើរគ្រប់ទីកន្លែង ។
លោកអធិការបានបន្តរទៀតថា ជនទាំង០២នាក់នេះ បានធ្វើសកម្មភាព ឆក់យកទូរស័ព្ទ ពីស្ត្រីម្នាក់ឈ្មោះ ហ៊ុន ភីម អាយុ២៨ឆ្នាំ រស់នៅភូមិឃុំកើតហេតុខាងលើ ខណៈពេលជនរងគ្រោះជិះម៉ូតូយកបាយទៅឲ្យប្ដី ដែលកំពុងភ្ជួរស្រែ ។
លោកបានបញ្ជាក់បន្ថែមថា ក្រោយពេលឆក់យកទូរស័ព្ទបានសម្រេច ជនដៃដល់ទាំង០២នាក់បានជិះម៉ូតូគេចខ្លួនឆ្ពោះទៅទិសខាងលិច ឆ្លងចូលទឹកដីស្រុកបវេល ហើយលោកក៏ទំនាក់ទំនងសុំឲ្យលោកអធិការស្រុកបវេលបញ្ចេញកម្លាំងជួយអន្តរាគមន៍ ខណៈកម្លាំងរបស់លោកកំពុងប្រដេញតាមពីក្រោយ រហូតស្ទាក់ជាប់នឹងឃាត់ខ្លួនជនដៃដល់ទាំង០២នាក់ក្នុងទឹកដីស្រុកបវេលតែម្ដង ។
ពាក់ព័ន្ធនឹងករណី «ឆក់យកទូរស័ព្ទ» នេះ បើតាមលោក សុខ សារិន អធិការស្រុកបវេល បានប្រាប់ថា ក្រោយពីទទួលបានពត៌មានពីសមត្ថកិច្ចស្រុកបាណន់ លោកបានបញ្ជាឲ្យកម្លាំងជំនាញចេញអន្តរាគមន៏ភ្លាមៗ ហើយបានប្រទះមុខសញ្ញាលោកចោរដៃស្អិតនេះ នៅម្ដុំទឹកដីឃុំឃ្លាំងមាស ។
លោកអធិការបានបន្ថែមថា ក្រោយឃើញមុខសញ្ញាដូច្នេះ កម្លាំងរបស់លោកបានជិះរថយន្តដេញតាមរហូតដល់ផ្លូវបំបែកស្ពានពង្រ ស្ថិតក្នុងភូមិទូលក្រសាំង ឃុំក្ដុលតាហែន ទើបស្ទាក់ជាប់និងឃាត់ខ្លួន នៅវេលាម៉ោងជាង៩ព្រឹកថ្ងៃដដែល និងបានប្រគល់ជូនកម្លាំងជំនាញអធិការស្រុកបាណន់ភ្លាមៗដែរ ដែលបានដេញតាមពីក្រោយជនសង្ស័យរហូតមក ។
ជុំវិញករណីនេះ ស្ត្រីរងគ្រោះបាននិយាយប្រាប់សមត្ថកិច្ចថា ខ្លួនបានជិះម៉ូតូយកបាយទៅឲ្យប្ដីកំពុងភ្ជួរស្រែ ហើយទុកទូរស័ព្ទនៅហោប៉ៅខោ លុះជិះតាមផ្លូវស្រាប់តែមានជនមិនស្គាល់មុខ០២នាក់ ជិះមកពីក្រោយ រួចឆក់យកទូរស័ព្ទខ្លួនទៅបាត់ ។
ស្រ្តីរងគ្រោះបានបន្តរនិយាយថា ពេលនោះ គាត់ចំណាំច្បាស់ម៉ូតូនោះគ្មានកញ្ចក់ទេ ហើយអ្នកឆក់ជិះក្រោយពាក់អាវដៃវែងពណ៌ខៀវទឹកប៊ិក និងមានបីមាន់មួយក្បាលផង ។
ក្រោយកើតហេតុខ្លួនបានរាយការណ៍ប្រាប់អ្នកស្គាល់ឲ្យជួយផ្ដល់ព័ត៌មានទៅសមត្ថកិច្ចអំពីហេតុការណ័ និងភិនភាគចោរឆក់ រហូតសម្ថកិច្ចស្ទាក់ចាប់បានតែម្ដង ។
នៅចំពោះមុខសមត្ថកិច្ច លោកចោរដៃស្អិតទាំង០២នាក់ បានសារភាពថា ពួកខ្លួនពិតជាបានធ្វើសកម្មភាព«ឆក់យកទូរស័ព្ទ» ពីស្ត្រីរងគ្រោះខាងលើមែន ។ ជនដៃដល់បានសារភាពទៀតថា ក្រោយពេលឆក់ ពួកគេបានយកទូរស័ព្ទទៅផ្ទើនៅផ្ទះឪពុករបស់ឈ្មោះរស់ ភ័ស្ដ នៅម្ដុំភ្នំ១៥០ រួចជីះគេចខ្លួនទៅកាន់ទឹកដីស្រុកបវេល ក៏ត្រូវសមត្ថកិច្ចក្របួចជាប់តែម្ដង ។
លោក សំ វីរៈ អធិការស្រុកបាណន់បានប្រាប់ដែរថា ពេលឃាត់ខ្លួនបានភ្លាមៗ រកមិនឃើញវត្ថុតាង(ទូរស័ព្ទ) ដែលពួកគេបានឆក់យកទៅនោះទេ ។ ប៉ុន្តែក្រោយសួរនាំទើបពួកគេសារភាពថា «បានយកទូរស័ព្ទ»នោះទៅផ្ញើនៅផ្ទះឪពុកនៅក្បែរភ្នំ១៥០ ។
ក្រោយពីទទូលបានពត៌មានអំពីវត្ថុតាងនេះ លោកស្នងការក៏បានបញ្ជាឲ្យមន្ត្រីជំនាញរបស់លោកនាំខ្លួនជនសង្ស័យទាំង០២នាក់ ទៅយកទូរស័ព្ទ (វត្ថុតាង) នោះភ្លាមៗ នឹងបានដកហូតបានវត្ថុតាង (ទូរស័ព្ទជនរងគ្រោះ) ម៉ូតូម៉ាកហុងដាមួយគ្រឿងស៊េរីឆ្នាំ២០១៥ ពណ៌ខ្មៅ ពាក់ស្លាកលេខបាត់ដំបង 1U-5206 ដែលជាមធ្យោបាយដែលជនសង្ស័យជិះធ្វើសកម្មភាព «ឆក់» ។ ពេលនេះ មន្ត្រីជំនាញកំពុងសួរនាំ ចាត់ការតាមនីតិវិធីហើយ។
បុរសម្នាក់ កែច្នៃឧបករណ៍សម្លាប់សត្វ ឆក់ខ្លួនឯងស្លាប់
កុងតឺន័រមួយគ្រឿង បុកបង្គោលភ្លើងបំភ្លឺផ្លូវ បន្ដបុករះម៉ូតូនិងកង់បី
បង្រ្កាបទីតាំងល្បែងស៊ីសងរបស់ជនបរទេស ឃាត់ខ្លួនជិត២០០នាក់
បញ្ជូនមុខសញ្ញាបង្កអសន្ដិសុខ ចំនួន៩នាក់ ទៅកាន់តុលាការ
ចុចទូរស័ព្ទទៅទិញគ្រឿងញៀន ត្រូវសមត្ថកិច្ច ក្របួចកមួយសម្បុក
ឃាត់ខ្លួនបានហើយជនជាតិវៀតណាម ដែលមករំដោះឧក្រិដជន ជនជាតិវៀតណាមចេញពីពន្ធនាគារខេត្តស្វាយរៀង
លោក លី សាម៉េត ហៅគ្រូមា ចេញមុខបកស្រាយ និងទទួលស្គាល់កំហុសទាំងអស់ដែលខ្លួនបានប្រព្រឹត្ត ព្រោះតែភាពលោភលន់
ម៉ូតូ២គ្រឿងបើវ៉ាជែងជ្រុលទៅបុ.កគ្នាលាន់ដូចរន្ទះ បណ្តាលឱ្យរបួសធ្ងន់៣នាក់និងស្រាលម្នាក់
ទើបចេញពីពន្ធនាគារ ត្រូវនគរបាលអូសកចូលគុកវិញ
រថយន្ដធុនធំមួយគ្រឿង បើកលឿន ក្រឡាប់ចាក់កុងតឺន័រចោល
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣