ទំនាស់ពាក្យសម្តី អ្នកចាញ់ដេកពេទ្យ អ្នកឈ្នះដេកគុក

16-កញ្ជា-2024 - ម៉ោង 11:39:AM

ខេត្តបាត់ដំបង ៖ បុរសម្នាក់ត្រូវសមត្ថកិច្ចឃាត់ខ្លួន ខណៈបុរសម្នាក់ទៀតត្រូវបានបញ្ជូនទៅកាន់មន្ទីរពេទ្យ ក្រោយពីត្រូវគូរជម្លោះវាយមួយដំបងរហូតផុងលលាដ៏ក្បាល កាលពីវេលាម៉ោង៦និង៣០នាទី ព្រលប់ថ្ងៃទី ១៤ ខែកញ្ញា ឆ្នាំ២០២៤ នៅចំណុចភូមិអន្លង់វិល ឃុំអន្លង់វិល ស្រុកសង្កែ។

បើតាមសមត្ថកិច្ចបានប្រាប់អោយដឹងថា ភាគីឈ្នះ ដែរត្រូវសមត្ថកិច្ចឃាត់ខ្លួនឈ្មោះ ភិន សុភស់ អាយុ២៧ឆ្នាំ រស់នៅភូមិបេង ឃុំអន្លង់វិល រីឯភាគីដែលចាញ់ ហើយត្រូវបានបញ្ជូនទៅមន្ទីរពេទ្យ ឈ្មោះ រី គីម អាយុ៣១ឆ្នាំ រស់នៅភូមិ ឃុំជាមួយគ្នា។

សមត្ថកិច្ចបានបន្តរទៀតថា ជនរងគ្រោះរូបនេះ រងរបួសបែកក្បាលធ្ងន់ធ្ងរ ដែលគេសន្និដ្ឋានថា ទំនងផុងលលាដ៏ក្បាលផង ដោយសារគូរសត្រូវវាយចំមួយដំបងយ៉ាងចាស់ដៃ ពេលមានចម្លោះជាមួយគ្នាមួយប្រាវនោះ។ រីឯជនដៃដល់ត្រូវបានកម្លាំងនគរបាលស្រុកសង្កែ ធ្វើការឃាត់ខ្លួនបានភ្លាមៗផងដែរ។

សមត្ថកិច្ចមិនបាននិយាយពីដើមចមដែលនាំឲ្យមានអំពើហឹង្សាដ៏ធ្ងន់ធ្ងរនេះទេ។ ប៉ុន្តែគេនិយាយថា មុនពេលវាតតប់គ្នា គេឃើញជនដៃដល់ និង ជនរងគ្រោះ បានឈ្លោះប្រកែកគ្នាបែកផ្សែង។

តាមប្រភពព័ត៏មានបានបញ្ជាក់ថា ពេលជម្លោះផ្ទុះកាន់តែខ្លាំង គេឃើញឈ្មោះ រី គីម (អ្នកចាញ់) បានទាញកាំបិតកាន់ដើសំដៅទៅរកឈ្មោះ ភិន សុភស់ (អ្នកឈ្នះ) ទំនងទៅរកកាប់គូរសត្រូវ តែចៃដន្យគ្រានោះត្រូវ ឈ្មោះ សុភស់ ទាញដំបងបានក្នុងដៃ ក៏ស្ទុះទៅវាយចំក្បាលឈ្មោះ គីម មួយដំបងពេញទំហឹងបណ្ដាលឲ្យឈ្មោះ គីម បែកក្បាលហូរឈាមកក្លាក់រងរបួសយ៉ាងធ្ងន់ធ្ងរ ដែលទំនងផុងដល់លលាដ៏ក្បាលផងនោះ។

បច្ចុប្បន្នជនដៃដល់ត្រូវមន្ត្រីជំនាញ កំពុងសួរនាំ ដើម្បីចាត់ការតាមនីតិវិធីហើយ៕

ទំនាស់ពាក្យសម្តី អ្នកចាញ់ដេកពេទ្យ អ្នកឈ្នះដេកគុក

ពត័មានពេញនិយម

អំពីយើង

ជួបគ្នានៅបណ្តាញសង្គម

ទំនាក់ទំនង

ទំនាស់ពាក្យសម្តី អ្នកចាញ់ដេកពេទ្យ​ អ្នកឈ្នះដេកគុក

ពត័មានពេញនិយម

អំពីយើង

ជួបគ្នានៅបណ្តាញសង្គម

ទំនាក់ទំនង

ទំនាស់ពាក្យសម្តី អ្នកចាញ់ដេកពេទ្យ អ្នកឈ្នះដេកគុក