រាជធានីភ្នំពេញ៖ បុរសវ័យចំណាស់ម្នាក់ កំពុងតែជិះម៉ូតូតាមបណ្ដោយផ្លូវ ស្រាប់តែរថយន្ដក្រឡុកស៊ីម៉ងត៍មួយគ្រឿង បើកមកបុកពីក្រោយ អូសទាំងម៉ូតូ និង មនុស្ស កិនចំពីលើ បណ្ដាលឲ្យស្លាប់យ៉ាងអាណោចអាធ័មមួយរំពេច កាលពីវេលាម៉ោង៩ និង ៣៨នាទីយប់ ថ្ងៃទី១៦ ខែមករា ឆ្នាំ២០២៥ នៅត្រង់ស្ដុបលេខ៩២ ផ្លូវហាណូយ ស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។
បើតាមសេចក្ដីរាយការណ៍បឋម បានឲ្យដឹង ថា នៅមុនពេលកើតមានគ្រោះថ្នាក់ចរាចរណ៍ដ៏រន្ធត់នោះ មានបុរសម្នាក់បានជិះម៉ូតូ ម៉ាកហុងដាឌ្រីម ពណ៌ខ្មៅ ពាក់ស្លាកលេខ កំពង់ចាម 1V-5865 តាមបណ្ដោយផ្លូវហាណូយ ស្របទិសគ្នាជាមួយនឹងរថយន្ដក្រឡុងត៍ស៊ីម៉ងត៍មួយគ្រឿង ពាក់ស្លាកលេខ ភ្នំពេញ 5A-1409។ លុះពេលជនរងគ្រោះបានធ្វើដំណើរមកដល់ចំណុចកើតហេតុ ស្រាប់តែរថយន្ដបង្កបានបុកម៉ូតូពីក្រោយ អូសទាំងមនុស្ស និង ម៉ូតូ កិនចំពីលើ បណ្ដាលឲ្យជនរងគ្រោះស្លាប់យ៉ាងអាណោចអាធ័មមួយរំពេច និង ខូចខាតម៉ូតូយ៉ាងដំណំ។
ក្រោយពេលកើតហេតុ សមត្ថកិច្ចបានចុះទៅពិនិត្យ វាស់វែង និង ដកហូតយានយន្ដពាក់ព័ន្ធ ហើយឃាត់អ្នកបើកបររថយន្ដបង្ក នាំទៅចាត់ការតាមច្បាប់។ បន្ទាប់មក សមត្ថកិច្ចបានស្រាវជ្រាវស្វែងរកក្រុមគ្រួសារ និង សាច់ញាតិរបស់ជនរងគ្រោះ មកទទួលយកសពទៅធ្វើបុណ្យ តាមប្រពៃណី៕
សមត្ថកិច្ច ឃាត់ខ្លួនមុខសញ្ញាជិត៣០នាក់ បញ្ជូនទៅតុលាការ
ស្រ្ដីម្នាក់ ទទួលមរណភាព ក្រោយរថភ្លើងបុក
ស្រីស្អាតម្នាក់ បន្លំលួចលុយរបស់មិត្តភក្ដិជាច្រើនដង ទម្រាំម្ចាស់ដឹង
ឃាត់ខ្លួនជនសង័្សយ កាប់ម៉ូតូរបស់ជនរងគ្រោះ២គ្រឿង នៅមុខផ្សារច្បារអំពៅ
ក្មេងពាលជិត១០នាក់ កាប់បំផ្លាញម៉ូតូចំនួន២គ្រឿង នៅផ្សារច្បារអំពៅ
គ្រោះរញ្ជួយដី វាយប្រហារ ទៅលើប្រទេសជប៉ុន
យុវជនម្នាក់ ត្រឡប់ពីជូនបងថ្លៃទៅធ្វើការ ដួលបោកក្បាលនៅលើស្ពានព្រែកព្នៅ
ជនជាតិចិនម្នាក់ ធ្លាក់ពីលើអគារកាស៊ីណូណាហ្គាវើល២
ផ្ទុះឆេះរថយន្ដដឹកថ្មមួយគ្រឿង ស្លាប់អ្នកបើកបរ
បញ្ជូនអ្នកបើករថយន្ដ បុកឪពុកកូនប្រុសស្រី៣នាក់ស្លាប់ ម្ដាយដាច់ជើងម្ខាង ទៅតុលាការ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣