ខេត្តបាត់ដំបង៖ អគ្គីបានឆាបឆេះយ៉ាងសន្ធោសន្ធៅ ធ្វើឲ្យម្ចាស់ផ្ទះ និងក្រុមគ្រួសារ ស្ទុះរត់ចេញទាំងមានត្រឹមតែខោអាវមួយចង្កេះ នៅជាប់នឹងខ្លួន ហើយបង្កការភ្ញាក់ផ្អើលដល់អ្នកភូមិ រាយការណ៍ទៅសុំអន្ដរាគមន៍ពីសមត្ថកិច្ច កាលពីវេលាម៉ោង១២ និង ៣០នាទីរំលងអធ្រាត្រ ឈានចូលថ្ងៃទី១៦ ខែមករា ឆ្នាំ២០២៥ នៅក្នុងក្រុមទី១២ ភូមិគារ១ ឃុំគារ ស្រុកមោងឫស្សី ខេត្តបាត់ដំបង។
ប្រភពព័ត៌មាន បានឲ្យដឹង ថា កាលពីព្រលប់ ថ្ងៃទី១៥ ខែមករា ម្ចាស់ផ្ទះបាននាំសមាជិកគ្រួសារ ចូលដេកតាមកន្លែងរឿងៗខ្លួន។ លុះមកដល់វេលាកើតហេតុ ស្រាប់តែមានភ្លើងឆាបឆេះយ៉ាងសន្ធោសន្ធៅ ធ្វើឲ្យម្ចាស់ផ្ទះ និង ក្រុមគ្រួសារ នាំគ្នារត់ចេញស្ទើរតែមិនទាន់។
សមត្ថកិច្ច បានឲ្យដឹង ថា បន្ទាប់ពីមានសេចក្ដីរាយការណ៍ អំពីគ្រោះអគ្គិភ័យបែបនេះភ្លាម សមត្ថកិច្ចបានចេញទៅធ្វើអន្ដរាគមន៍ ជួយបាញ់ទឹកពន្លត់ឲ្យរលត់អស់ទៅវិញ ហើយបានទប់ស្កាត់ កុំឲ្យភ្លើងឆាបឆេះទៅលើផ្ទះរបស់អ្នកភូមិផ្សេងៗទៀត។ ផ្ទះដែលរងគ្រោះការឆេះបំផ្លាញនេះ សង់ពីថ្មក្រោម និងឈើខាងលើ។
បើទោះជាយ៉ាងណា ក្រោយពេលកើតហេតុភ្លាមៗ សមត្ថកិច្ចនៅមិនទាន់បានសរុប អំពីទំហំខូចខាតនៅឡើយ។ ប៉ុន្ដែករណីគ្រោះអគ្គិភ័យនេះ មិនមានសេចក្ដីរាយការណ៍ អំពីគ្រោះថ្នាក់ដល់មនុស្សនោះទេ៕
សមត្ថកិច្ច ឃាត់ខ្លួនមុខសញ្ញាជិត៣០នាក់ បញ្ជូនទៅតុលាការ
ស្រ្ដីម្នាក់ ទទួលមរណភាព ក្រោយរថភ្លើងបុក
ស្រីស្អាតម្នាក់ បន្លំលួចលុយរបស់មិត្តភក្ដិជាច្រើនដង ទម្រាំម្ចាស់ដឹង
ឃាត់ខ្លួនជនសង័្សយ កាប់ម៉ូតូរបស់ជនរងគ្រោះ២គ្រឿង នៅមុខផ្សារច្បារអំពៅ
ក្មេងពាលជិត១០នាក់ កាប់បំផ្លាញម៉ូតូចំនួន២គ្រឿង នៅផ្សារច្បារអំពៅ
គ្រោះរញ្ជួយដី វាយប្រហារ ទៅលើប្រទេសជប៉ុន
យុវជនម្នាក់ ត្រឡប់ពីជូនបងថ្លៃទៅធ្វើការ ដួលបោកក្បាលនៅលើស្ពានព្រែកព្នៅ
ជនជាតិចិនម្នាក់ ធ្លាក់ពីលើអគារកាស៊ីណូណាហ្គាវើល២
ផ្ទុះឆេះរថយន្ដដឹកថ្មមួយគ្រឿង ស្លាប់អ្នកបើកបរ
បញ្ជូនអ្នកបើករថយន្ដ បុកឪពុកកូនប្រុសស្រី៣នាក់ស្លាប់ ម្ដាយដាច់ជើងម្ខាង ទៅតុលាការ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣