រាជធានីភ្នំពេញ៖ យុវជន២នាក់ ទើបនឹងចេញពីក្លឹប បានជិះម៉ូតូឌុបគ្នា វិលត្រឡប់ទៅកន្លែងស្នាក់នៅវិញ ស្រាប់តែជួបនឹងគ្រោះអកុសល បើកម៉ូតូបុករបាំងថ្មពុះចែកផ្លូវ បណ្ដាលឲ្យដួលបោកក្បាលនឹងថ្នល់ស្លាប់ម្នាក់ និង ម្នាក់ទៀតរងរបួសធ្ងន់ កាលពីវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី២០ ខែធ្នូ ឆ្នាំ២០២៤ នៅត្រង់ចំណុចមុខវត្តជម្ពូវ័ន តាមផ្លូវជាតិលេខ៤ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបឋម បានឲ្យដឹង ថា នៅមុនពេលកើតហេតុគ្រោះថ្នាក់ចរាចរណ៍នោះ មានយុវជន២នាក់ ទើបនឹងចេញពីក្លឹបកម្សាន្ដមួយកន្លែង ហើយបានជិះម៉ូតូមួយគ្រឿង ម៉ាកហុងដាឌ្រីម ស៊េរីឆ្នាំ២០២៥ ពាក់ស្លាកលេខ ភ្នំពេញ 1LD-4353 បោះពួយយ៉ាងលឿនតាមបណ្ដោយផ្លូវជាតិលេខ៤ នៅក្នុងគោលបំណងវិលត្រឡប់ទៅកន្លែងស្នាក់នៅវិញ។ លុះពេលពួកគេបានធ្វើដំណើរ មកដល់ចំណុចកើតហេតុ ក៏ជិះម៉ូតូជ្រុលទៅបុករបាំងថ្មពុះចែកផ្លូវ ដួលអូសជិត៤០ម៉ែត្រ បណ្តាលឲ្យយុវជនម្នាក់ បោកក្បាលនឹងថ្នល់ស្លាប់ភ្លាមៗមួយរំពេច ខណៈម្នាក់ទៀត រងរបួសធ្ងន់។
ក្រោយពេលកើតហេតុ សមត្ថកិច្ចបានចុះទៅពិនិត្យ និង ស្រាវជ្រាវស្វែងរកក្រុមគ្រួសារ មកទទួលសពរបស់ជនរងគ្រោះ ដឹកយកទៅធ្វើបុណ្យតាមប្រពៃណី។ ដោយឡែក អ្នករងរបួសធ្ងន់ ត្រូវបានគេបញ្ជូនទៅសង្គ្រោះ នៅក្នុងមន្ទីរពេទ្យ៕
រថយន្ដមួយគ្រឿង កំពុងដឹកពពែប្រហែល៦០ក្បាល ត្រូវភ្លើងឆេះយ៉ាងសន្ធោសន្ធៅ
អ្នកដឹកក្យូសដើរលក់ម្នាក់ ត្រូវគេចាប់អារក ប្លន់យកលុយ
បុរសម្នាក់បើករថយន្ដ បុករថយន្ដដឹកកុងតឺន័រ ចតនៅស្ងៀម
រថយន្ដកុងតឺន័រមួយគ្រឿង ក្រឡាប់ផ្ងារជើងចង្គ្រាង នៅលើផ្លូវថ្នល់
បុរសម្នាក់ បើកម៉ូតូបុកគូទរថយន្ដធំមួយគ្រឿង ដួលបោកក្បាលនឹងថ្នល់
បុរសម្នាក់ចេញពីធ្វើការ ស្លាប់នៅពាក់កណ្ដាលផ្លូវ
ប្រទះឃើញសាកសពបុរសម្នាក់ សង្ស័យបែកថ្នាំឡើងទៅចងកសម្លាប់ខ្លួននៅនឹងធ្នឹមដំបូលព្រះវិហារវត្តអរិយក្សត្រ
ប្អូនធម៌កីឡាករប្រដាល់ម៉ឺនមេឃា សង័្សយមានគេជិះដេញតាម បើកម៉ូតូដួលស្លាប់
រថយន្ដកុងតឺន័រមួយគ្រឿង បើកបុកម៉ូតូ កល់ជាប់ពីក្រោម
បង្រ្កាបក្រុមទំនើងមួយសម្រុក ដើរកាប់បំផ្លាញទ្រព្យសម្បត្ដិរបស់អ្នកដទៃ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣