ខេត្តបន្ទាយមានជ័យ៖ បុរសម្នាក់បានបើករថយន្តក្រុងមួយគ្រឿង ដឹកអ្នកដំណើរជាច្រើននាក់ ហើយបានងោកមួយភាំង ធ្វើឲ្យរថយន្ដក្រឡាប់ផ្ងារជើង បណ្ដាលឲ្យមានអ្នករងរបួសជាង១០នាក់ កាលពីវេលាម៉ោង៥ព្រឹកព្រលឹម ថ្ងៃទី៦ ខែធ្នូ ឆ្នាំ២០២៤ នៅចំណុចស្ថានីយប្រេងឥន្ធនៈមួយកន្លែង តាមផ្លូវជាតិលេខ៥ ស្ថិតក្នុងភូមិសូរិយ៉ា ឃុំកូប ស្រុកអូរជ្រៅ ខេត្តបន្ទាយមានជ័យ។
ប្រភពព័ត៌មាន បានឲ្យដឹង ថា នៅមុនពេលកើតហេតុ មានបុរសម្នាក់បានបើករថយន្តក្រុងមួយគ្រឿងរបស់ក្រុមហ៊ុនសំណាងហុងស៊ីង ពាក់ស្លាកលេខ ភ្នំពេញ 3C-9771 ដឹកអ្នកដំណើរ ចេញដំណើរពីភ្នំពេញ កាលពីវេលាម៉ោង៥ល្ងាច ថ្ងៃទី៥ ខែធ្នូ ឆ្នាំ២០២៤ ឆ្ពោះទៅកាន់ក្រុងប៉ោយប៉ែត ខេត្តបន្ទាយមានជ័យ។ រីឯអ្នកដំណើរក៏បានចុះតាមគោលដៅរបស់ពួកគេជាបន្ដបន្ទាប់។ លុះពេលរថយន្ដក្រុង បានបើកទៅដល់ចំណុចកើតហេតុ ស្រាប់តែអ្នកបើកបរបានងងុយដេក ហើយងោកមួយភាំង ធ្វើឲ្យរថយន្ដរេចង្កូតខុសផ្លូវ ក្រឡាប់ផ្ងារជើង បណ្ដាលឲ្យអ្នកដំណើរជាង១០នាក់រងរបួស ដោយខ្លះរងរបួសស្រាល និង ខ្លះរងរបួសធ្ងន់ ហើយបាននាំគ្នាវាយកញ្ចក់រថយន្ដ ចេញមកខាងក្រៅ។ ឃើញហេតុការណ៍បែបនេះ អ្នកបើកបររថយន្ដ បានគេចខ្លួនបាត់ស្រមោល។
ក្រោយពេលកើតហេតុ សមត្ថកិច្ចបានចុះទៅពិនិត្យ និង ស្ទូចយករថយន្ដក្រុងនេះ ទៅរក្សាទុក នៅអធិការដ្ឋាននគរបាលស្រុកអូរជ្រៅ ដើម្បីចាត់ការតាមច្បាប់។ ដោយឡែក អ្នករងរបួស ត្រូវបានគេបញ្ជូនទៅកាន់មន្ទីរពេទ្យ៕
យន្ដហោះមួយគ្រឿងរបស់អាសែបៃហ្សង់ ដឹកអ្នកដំណើរជាច្រើន ធ្លាក់នៅកាហ្សាក់ស្ថាន
សមត្ថកិច្ចចុះបង្ក្រាបក្រុមឧក្រិដ្ឋជនជនជាតិចិន វៀតណាម និងខ្មែរ១០នាក់នៅក្រុងបាវិត
បន្ទះដែកសន្លឹក ធ្លាក់សង្កត់លើកម្មករម្នាក់
រថយន្ដស៊េរីទំនើបមួយគ្រឿង បុកកង់បី ក្រឡាប់ជ្រុលទៅបុករថយន្ដមួយគ្រឿងផ្សេងទៀត
រថយន្ដមួយគ្រឿង កំពុងដឹកពពែប្រហែល៦០ក្បាល ត្រូវភ្លើងឆេះយ៉ាងសន្ធោសន្ធៅ
អ្នកដឹកក្យូសដើរលក់ម្នាក់ ត្រូវគេចាប់អារក ប្លន់យកលុយ
បុរសម្នាក់បើករថយន្ដ បុករថយន្ដដឹកកុងតឺន័រ ចតនៅស្ងៀម
រថយន្ដកុងតឺន័រមួយគ្រឿង ក្រឡាប់ផ្ងារជើងចង្គ្រាង នៅលើផ្លូវថ្នល់
បុរសម្នាក់ បើកម៉ូតូបុកគូទរថយន្ដធំមួយគ្រឿង ដួលបោកក្បាលនឹងថ្នល់
បុរសម្នាក់ចេញពីធ្វើការ ស្លាប់នៅពាក់កណ្ដាលផ្លូវ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣