រាជធានីភ្នំពេញ៖ ស្រ្ដីចំណាស់ម្នាក់ កំពុងតែធ្វើដំណើរវិលត្រឡប់ទៅផ្ទះវិញ ស្រាប់តែមានចោរ២នាក់ បានជិះម៉ូតូមួយគ្រឿងឌុបគ្នាមកដល់ ឆក់ខ្សែកពីករបស់គាត់ បណ្ដាលឲ្យគាត់ដួលបោកទៅលើថ្នល់ កាលពីវេលាម៉ោង៤ និង៣៥នាទីល្ងាច ថ្ងៃទី៤ ខែធ្នូ ឆ្នាំ២០២៤ នៅតាមផ្លូវបេតុងមួយខ្សែ ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មាន បានឲ្យដឹង ថា នៅមុនពេលកើតហេតុ ស្រ្ដីរងគ្រោះបានកង់អាគុយ ចេញពីទិញម្ហូបអាហារ នៅក្នុងផ្សារ ហើយបានបន្ដដំណើរវិលត្រឡប់ទៅផ្ទះវិញ។ លុះពេលគាត់បានធ្វើដំណើរមកដល់ចំណុចកើតហេតុ ស្រាប់តែលេចមុខចោរ២នាក់ បានជិះម៉ូតូមួយគ្រឿងឌុបគ្នាមកដល់ ក៏ឆក់ខ្សែករបស់គាត់ ធ្វើឲ្យគាត់ភ្ញាក់ កន្ទ្រាក់ខ្សែករបស់គាត់ពីចោរមកវិញ បានមួយកំណាត់ និង បានធ្វើឲ្យគាត់ដួលទៅលើថ្នល់ រងរបួស។ ដោយឡែក ចោរទាំង២នាក់នោះ បានជិះម៉ូតូគេចខ្លួនបាត់ស្រមោល។
ក្រោយពេលកើតហេតុ សមត្ថកិច្ចបានចុះទៅពិនិត្យ និង បញ្ជូនជនរងគ្រោះទៅព្យាបាល ហើយបានជូនគាត់ទៅដាក់ពាក្យបណ្ដឹង សុំឲ្យសមត្ថកិច្ចជួយស្រាវជ្រាវ តាមចាប់ខ្លួនចោរទាំង២នាក់នោះ នាំមកផ្ដន្ទាទោសតាមច្បាប់៕
យន្ដហោះមួយគ្រឿងរបស់អាសែបៃហ្សង់ ដឹកអ្នកដំណើរជាច្រើន ធ្លាក់នៅកាហ្សាក់ស្ថាន
សមត្ថកិច្ចចុះបង្ក្រាបក្រុមឧក្រិដ្ឋជនជនជាតិចិន វៀតណាម និងខ្មែរ១០នាក់នៅក្រុងបាវិត
បន្ទះដែកសន្លឹក ធ្លាក់សង្កត់លើកម្មករម្នាក់
រថយន្ដស៊េរីទំនើបមួយគ្រឿង បុកកង់បី ក្រឡាប់ជ្រុលទៅបុករថយន្ដមួយគ្រឿងផ្សេងទៀត
រថយន្ដមួយគ្រឿង កំពុងដឹកពពែប្រហែល៦០ក្បាល ត្រូវភ្លើងឆេះយ៉ាងសន្ធោសន្ធៅ
អ្នកដឹកក្យូសដើរលក់ម្នាក់ ត្រូវគេចាប់អារក ប្លន់យកលុយ
បុរសម្នាក់បើករថយន្ដ បុករថយន្ដដឹកកុងតឺន័រ ចតនៅស្ងៀម
រថយន្ដកុងតឺន័រមួយគ្រឿង ក្រឡាប់ផ្ងារជើងចង្គ្រាង នៅលើផ្លូវថ្នល់
បុរសម្នាក់ បើកម៉ូតូបុកគូទរថយន្ដធំមួយគ្រឿង ដួលបោកក្បាលនឹងថ្នល់
បុរសម្នាក់ចេញពីធ្វើការ ស្លាប់នៅពាក់កណ្ដាលផ្លូវ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣