ខេត្តត្បូងឃ្មុំ៖ រថយន្ដធុនធំដឹកដំឡូងរាប់សិបតោនមួយគ្រឿង បានបើកយ៉ាងលឿន ជ្រុលចង្កូតទៅបុកគូទរថយន្ដធុនធំមួយគ្រឿង នៅខាងមុខ បណ្ដាលឲ្យក្រឡាប់ចាក់មើមដំឡូងមី ចោលពេញដី បង្កឲ្យភ្ញាក់ផ្អើលឡើង កាលពីព្រឹកព្រលឹម ថ្ងៃទី១៧ ខែតុលា ឆ្នាំ២០២៤ នៅមុខវត្ដដារ តាមផ្លូវជាតិលេខ៧ ត្រង់ចំណុចបង្គោលគីឡូម៉ែត្រ១៩៧ ស្ថិតក្នុងភូមិដារ ឃុំដារ ស្រុកមេមត់ ខេត្តត្បូងឃ្មុំ។
ប្រភពព័ត៌មាន បានឲ្យដឹង ថា នៅមុនពេលកើតហេតុ មានរថយន្ដធុនធំមួយគ្រឿង ម៉ាកហ៊ីយ៉ាន់ដាយ បានបើកដឹកមើមដំឡូងមីរាប់សិបតោន តាមបណ្ដោយផ្លូវជាតិលេខ៧ ស្របទិសគ្នាជាមួយនឹងរថយន្ដធុនធំមួយគ្រឿងទៀត។ លុះពេលរថយន្ដដឹកមើមដំឡូងមី បានបើកមកដល់ចំណុចកើតហេតុ ក៏ជ្រុលចង្កូតទៅបុកគូទរថយន្ដធុនធំនៅពីមុខ ហើយបានរេចង្កូតធ្លាក់កង់ចូលទៅក្នុងចង្អូរទឹក នៅតាមចិញ្ចើមផ្លូវ បណ្ដាលឲ្យក្រឡាប់ដេកនៅលើថ្នល់ ចាក់មើមដំឡូងមី ចោលពេញមុខវត្ដ។
ក្រោយពេលកើតហេតុ សមត្ថកិច្ចជំនាញបានចុះទៅពិនិត្យ និង វាស់វែង ហើយបានចាត់ការតាមនីតិវិធី។ បើទោះជាយ៉ាងណាក៏ដោយ បើតាមសេចក្ដីរាយការណ៍ បានអះអាង ថា ករណីគ្រោះថ្នាក់ចរាចរណ៍នេះ មិនបានបង្កឲ្យមានគ្រោះថ្នាក់ ដល់អាយុជីវិតរបស់មនុស្សណាម្នាក់នោះឡើយ៕
សម្តេចធិបតី ហ៊ុន ម៉ាណែត ផ្តល់ដំណើរកម្សាន្តជូនលោកតាលោកយាយនៅអង្គការមូលនិធិកុមារ និងអង្គការដើម្បីភាពញញឹមនៃកុមារ ទៅកាន់ភ្នំគូលែន តាមសំណើ
រថយន្ដមួយគ្រឿង ក្រឡាប់ចង្គ្រាង ចាក់ផ្លែដូងពេញផ្លូវ
ឯកឧត្តម ប៉ែន បូណា៖ ការការពាររាជរដ្ឋាភិបាលពីការមួលបង្កាច់ គឺជាតួនាទីរបស់យើងទាំងអស់គ្នា
ឯកឧត្តមអភិសន្តិបណ្ឌិត ស សុខា រដ្ឋមន្ដ្រីក្រសួងមហាផ្ទៃ ៖ ចំពោះមន្ដ្រីនគរបាលរូបណាមានក្បាលពោះធំ គឺហាមមិនឲ្យចេញទៅបំពេញការងារនៅខាងក្រៅជាដាច់ខាត
បេក្ខជនក្រុមប្រឹក្សា និងអ្នកសង្កេតការណ៍បក្សប្រឆាំង នៅមូលដ្ឋានឃុំក្នុងខេត្តព្រៃវែង ចំនួន៦នាក់ សុំរួមរស់ជាមួយគណបក្សប្រជាជនកម្ពុជា
លួចបានគ្រាន់ ពលរដ្ឋដេញតាមទាន់ វាយទក់សាច់
ចោរដៃឆើតម្នាក់ ចូលលួចលុយរបស់អ្នកលក់សាំង គេចខ្លួនបាត់
គេប្រាប់អោយបន្ថយសម្លេងបាស់មិនស្តាប់ ហៅខ្ទើយមួយម៉ាត់ វាយគ្នាផ្អើល
ម៉ូតូ២គ្រឿង បុកគ្នាពេញទំហឹង ដួលដេកលើថ្នល់ទាំងសងខាង
រថយន្ដធុនធំមួយគ្រឿង បើកបុកម៉ូតូ ខ្ទាតអ្នកចូលក្រោមកង់រថយន្ដ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣