រាជធានីភ្នំពេញ៖ ក្មេងទំនើងមួយក្រុម មានគ្នាជាង១០នាក់ បានជិះម៉ូតូដេញកាប់ប្រហារទៅលើជនរងគ្រោះ នាពេលយប់ ក៏ត្រូវបានសមត្ថកិច្ចបង្ក្រាប និង ឃាត់ខ្លួនជាបន្ដបន្ទាប់ចំនួន៨នាក់ ហើយបាននាំមកបង្ហាញមុខជាសាធារណៈ នៅស្នងការដ្ឋាននគរបាលខេត្តតាកែវ កាលពីរសៀល ថ្ងៃទី២៩ ខែធ្នូ ឆ្នាំ២០២៤ នៅមុនពេលមន្រ្ដីជំនាញ កសាងសំណុំរឿង បញ្ជូនពួកគេទៅកាន់សាលាដំបូង។
បើតាមសេចក្ដីរាយការណ៍របស់សមត្ថកិច្ច បានឲ្យដឹង ថា កាលពីប៉ុន្មានថ្ងៃមុននេះ មានក្មេងទំនើងមួយក្រុម មានគ្នាចំនួន១៣នាក់ បានដេញកាប់ប្រហារទៅលើជនរងគ្រោះចំនួន៣នាក់ បណ្ដាលឲ្យមនុស្ស២នាក់រងរបួសស្រាល និង ម្នាក់រងរបួសធ្ងន់ នៅក្នុងភូមិសាស្រ្ដស្រុកបាទី ខេត្តតាកែវ។ បន្ទាប់ពីការកើតមានករណីក្មេងទំនើងដេញកាប់គ្នាយ៉ាងអនាធិបតេយ្យ ធ្វើឲ្យបាត់បង់សណ្ដាប់ធ្នាប់ បង្កអសន្ដិសុខ និង ធ្វើឲ្យមានការភ័យខ្លាចដល់ប្រជាពលរដ្ឋបែបនេះ សមត្ថកិច្ចពាក់ព័ន្ធ បានចេញធ្វើអន្ដរាគមន៍ ចុះស្រាវជ្រាវ រហូតឈានដល់ការបង្ក្រាប និង ឃាត់ខ្លួនបានជាបន្ដបន្ទាប់ ចំនួន៨នាក់ ខណៈបក្ខពួករបស់ពួកគេ ចំនួន៥នាក់ផ្សេងទៀត កំពុងតែរត់គេចខ្លួនបាត់។
ក្រោយពេលបង្ក្រាបរួចហើយ សមត្ថកិច្ចបាននាំខ្លួនជនសង័្សយចំនួន៨នាក់ មកបង្ហាញមុខជាសាធារណៈ នៅស្នងការដ្ឋាននគរបាលខេត្ដតាកែវ នៅមុនពេលបញ្ជូនពួកគេទៅកាន់សាលាដំបូងខេត្ត។ ដោយឡែក ក្មេងទំនើងចំនួន៥នាក់ ដែលកំពុងតែរត់គេចខ្លួន កំពុងតែស្ថិតក្រោមការស្រាវជ្រាវតាមចាប់ខ្លួនរបស់សមត្ថកិច្ច៕
ជាងដែកម្នាក់ ផ្ទុះភ្លើងប្រចណ្ឌ រុញប្រពន្ធចូលរថយន្ដ
រថយន្ដដឹកជ្រូកមួយគ្រឿង បុករថយន្ដឡិចស៊ីស បន្ដទៅបុកប៉ុស្ដិ៍ប៉ូលិស
បើកម៉ូតូបត់មិនមើលក្រោយ បុកគ្នាហើរដូចស្លឹក
ប្រទះឃើញសពបុរសម្នាក់ច្រកក្នុងវ៉ាលីប្លុងចោលក្នុងបន្ទប់ផ្ទះសំណាក់ ផ្អើលក្រុងប៉ោយប៉ែត
កម្លាំងនាយកដ្ឋាននគរបាលព្រហ្មទណ្ឌ ឃាត់ខ្លួនឧក្រិដ្ឋជនវៀតណាម១២នាក់ ករណីចាប់ជំរិតជនជាតិចិន នៅក្រុងបាវិត
យន្ដហោះដឹកអ្នកដំណើរមួយគ្រឿង ដឹកអ្នកដំណើរ១៨២នាក់ ផ្ទុះឆេះនៅកូរ៉េខាងត្បូង
ជនបរទេស៣នាក់ បាញ់ប្រហារទៅលើជនរងគ្រោះ២នាក់ កក្រើករាត្រី
បុរសម្នាក់ បើករថយន្ដស៊េរីទំនើប បុករបាំងថ្មទាំងកម្រោល
ឃាត់ខ្លួនក្មេងទំនើង ៤នាក់ ដែលកាប់បំផ្លាញម៉ូតូគេ នៅស្រុកតាំងគោក ខេត្តកំពង់ធំ
សមត្ថកិច្ច ក្របួចកស្រ្ដីសង័្សយម្នាក់ ដាក់ថ្នាំយកទ្រព្យសម្បត្ដិ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣