រាជធានីភ្នំពេញ៖ រថយន្ដកុងតឺន័រមួយគ្រឿង បានបើកបរយ៉ាងលឿន ក៏ជ្រុលចង្កូតទៅបុកគ្នាជាមួយនឹងរថយន្ដដឹកថ្មធុនធំមួយគ្រឿងផ្សេងទៀត ហើយបន្ដទៅបុកផ្ទះរបស់ប្រជាពលរដ្ឋ ធ្វើឲ្យមនុស្សម្នា ភ័យព្រលឹងចុងសក់ កាលពីវេលាម៉ោង៩ និង ៤០នាទីយប់ ថ្ងៃទី១៥ ខែកក្កដា ឆ្នាំ២០២៤ នៅតាមផ្លូវជាតិតលេខមួយ ស្ថិតក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ប្រភពព័ត៌មាន បានឲ្យដឹង ថា នៅមុនពេលកើតហេតុ មានបុរសម្នាក់ បានបើករថយន្តកុងតឺន័រ មានក្បាលពណ៌ក្រហម ពាក់ស្លាកលេខ ភ្នំពេញ 3C-7593 តាមបណ្ដោយផ្លូវជាតិលេខ១ នៅក្នុងល្បឿនលឿន។ លុះពេលរថយន្ដនេះ បានបើកមកដល់ចំណុចកើតហេតុ ក៏បានបុកគ្នាជាមួយនឹងរថយន្ដដឹកថ្មមួយគ្រឿង ពណ៌ត្រួយចេក ពាក់ស្លាកលេខ ភ្នំពេញ 3E-1953 លាន់ឮដូចរន្ទះ ធ្វើឲ្យរថយន្ដកុងតឺន័រ រេចង្កូតទៅបុកផ្ទះរបស់ប្រជាពលរដ្ឋ បណ្ដាលឲ្យរងការខូចខាត ទាំងផ្ទះ និង រថយន្ដ។ ប៉ុន្ដែនៅក្នុងហេតុការណ៍នេះ ចាត់ទុក ថា សំណាងល្អហើយ ព្រោះមិនបានបង្កឲ្យមានមនុស្សបាត់បង់ជីវិត។
ក្រោយពេលកើតហេតុ កម្លាំងនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកវាស់វែង រួចហើយបានធ្វើកំណត់ហេតុ ដកហូតយករថយន្តទាំង២គ្រឿង ទៅរក្សាទុក ដើម្បីរង់ចាំដោះស្រាយ តាមច្បាប់៕
ឃាត់ខ្លួនជនសង័្សយ កាប់ម៉ូតូរបស់ជនរងគ្រោះ២គ្រឿង នៅមុខផ្សារច្បារអំពៅ
ក្មេងពាលជិត១០នាក់ កាប់បំផ្លាញម៉ូតូចំនួន២គ្រឿង នៅផ្សារច្បារអំពៅ
គ្រោះរញ្ជួយដី វាយប្រហារ ទៅលើប្រទេសជប៉ុន
យុវជនម្នាក់ ត្រឡប់ពីជូនបងថ្លៃទៅធ្វើការ ដួលបោកក្បាលនៅលើស្ពានព្រែកព្នៅ
ជនជាតិចិនម្នាក់ ធ្លាក់ពីលើអគារកាស៊ីណូណាហ្គាវើល២
ផ្ទុះឆេះរថយន្ដដឹកថ្មមួយគ្រឿង ស្លាប់អ្នកបើកបរ
បញ្ជូនអ្នកបើករថយន្ដ បុកឪពុកកូនប្រុសស្រី៣នាក់ស្លាប់ ម្ដាយដាច់ជើងម្ខាង ទៅតុលាការ
ប្ដីស្ទើរបែកទ្រូងស្លាប់ ត្រឡប់មកពីធ្វើការ ឃើញប្រពន្ធដេកឱបប្រុសថ្មីក្នុងបន្ទប់
បុរសម្នាក់ បើករថយន្ដស៊េរីទំនើបបត់ចូលខារ៉ាអូខេ បុកម៉ូតូចំពីមុខពេញទំហឹង
និស្សិតម្នាក់ បើកម៉ូតូបុកកង់បី ធ្លាយចេញពោះវៀនមកក្រៅ
© រក្សាសិទ្ធិគ្រប់យ៉ាងដោយ
I LOVE CAMBODIA HOT NEWS ឆ្នាំ២០២៣